阿Sa在寰宇電影《風雲II》中飾演的第二夢，由於臉上有疤痕，所以一直不敢與鄭伊健飾演的聶風見面，二人一直只靠書信往來，所以這次在戲中的第一次碰面甚具戲劇性，就連伊健亦笑指這場戲趣味十足：「現在的情侶經常見面或MSN，但古代的情侶卻很久才見一次，所以我覺得他們每次碰面必然不知如何是好，更何況是第一次見面呢？」

阿Sa與伊健飾演情侶。	阿Sa與伊健第五次合作，默契十足。	導演彭順（右二）與伊健、阿Sa及城城齊齊拿着道具刀劍玩一餐。

凌空360度兩周半

伊健抵死指這次對阿Sa的演技是很大考驗：「佢今次係第一次演古裝特技電影，仲要做一個成熟嘅女性，哈哈！」

雖然被伊健睇死，不過阿Sa卻「以德報怨」，還笑指與伊健合作很開心：「我同佢情侶、夫婦、朋友、兄妹都演過，不過今次真係好有新鮮感，因為係古裝戲同有漫畫背景，我有信心我哋有默契。」

唔怕辛苦最緊要靚

阿Sa拍《風》片亦困難重重，不但弄傷了足踝，還在拍攝一場凌空360度轉兩周半的吊威吔戲份不慎割傷雙手，嚇得動作指導馬玉成自責大叫：「以前從來都冇人發生過喎！」

阿Sa見對方如此緊張，惟有反過來安慰對方：「我就係特別嘅一個，意外都經常發生喺我身上 ！」阿Sa事後還笑指，由於該鏡頭將她拍得十分美麗，所以無論拍攝時多辛苦都是值得的，認真貪靚。

文：影視組