張衞健與太太張茜近日盛傳因林心如介入而面臨婚變，昨日健仔在港出席活動時，斬釘截鐵表示絕不可能，他表示：「婚變邊有咁早，我哋啱啱先結婚，三十年內好難婚變！」
臨老入花叢
健仔昨日與蘇永康、許志安、梁漢文及「翻版張栢芝」貢米為某酒樓擔任剪綵嘉賓，同場還有胡楓夫婦及吳君麗，被追問婚變傳聞的健仔對於盛傳林心如介入他和張茜的婚姻，他說：「我同林心如合作過電視劇《小寶與康熙》，之後只係見過一、二次，張茜同佢有合作所以見佢仲多，今次真係要好正經咁答，絕對冇可能！」對於張茜指將來的事沒人知，口沒遮攔的健仔戲言：「我認同呀，可能到張茜六十歲時同我講佢搵到個八十五歲男人，成熟穩重過我呢，仲有頭髮添，話唔定我六十歲臨老入花叢！」
雖然有指張茜近來日漸消瘦，但健仔卻唱反調：「我嫌佢肥添呀，佢一向都咁瘦！」並透露聖誕節會跟張茜及其家人往旅行度假。而昨日四子出席剪綵活動，安仔笑言他們收取天價酬勞，又言：「我諗過將來喺呢到擺酒！」
讚張茜性感
另外，張茜最近參與《舞林大會》展舞技，獲健仔大讚性感，但張茜就言舞衫太暴露，連播出時間亦不敢相告老公，至於健仔與林心如緋聞，張茜淡定表示：「網絡訊息半真半假，不可信，我們現在生活很好，以後的事，誰都不能承諾。」張茜更大讚林心如努力，至於生B大計，曾流產的張茜就言：「現在還沒有勇氣考慮。」
至於被指介入張衞健及張茜婚姻的林心如，則開腔回應指自《小寶與康熙》後已沒有與張衞健聯絡，直斥傳聞「太扯」。
採訪：音樂組