前亞姐冠軍陳煒雖然已嫁人做幸福少奶奶，不過最近靜極思動，竟然做起藝人形象顧問，目前她旗下要「照顧」的藝人，包括武打新星杜宇航（Dennis）和新進模特兒陳嘉桓，煒哥矢言要洗脫Dennis的功夫佬形象。
杜宇航和陳嘉桓的潛質，陳煒（煒哥）坦言很有信心，尤其前者已參與由冼國林投資的電影《葉問前傳》演出，當中飾演年輕葉問，除了日日練功夫，還要鑽研演技，煒哥雖然只負責其形象工作，但在演戲方面，亦授予不少心得。
市場需求要全面
Dennis自言對演戲頗有信心，反而想在功夫演出方面，有更紮實的演繹，所以日日勤力練功，而煒哥亦在旁打氣，以行動支持他。煒哥說：「一個武打演員，以前可能淨係要識打，但依家演藝市場需要嘅，係要再全面，所以在形象上都要顧及，我嘅職責係幫佢包裝，就算影專訪，我都要佢扮得靚靚仔仔出嚟，唔要畀人功夫佬嗰種粗線條感覺。」
每日練功十個鐘
煒哥的心血的確冇白費，Dennis外表看來很斯文，不似功夫佬，但當他脫去外衣，即顯見一身健碩肌肉，但有少許怕醜。煒哥笑指這個難得的怕醜，目前在這個娛樂圈已難得一見。
Dennis稱他每日都有練功超過十個鐘，目的要零脂肪，其餘十個鐘是要鑽研《葉》的劇本，瞓覺時間不多，他笑說：「後生仔唔使瞓咁多！」