HotCha、方力申及鄧紫棋（G.E.M.）日前出席《創造傳奇一刻》元朗區迎東亞嘉年華，大會特意邀請多個表演團體及學校進行各類型表演，當中包括舞龍舞獅、Hip-hop舞蹈及啦啦隊表演，一眾歌手看得相當入神，而HotCha就齊聲表示最愛啦啦隊環節。
Crystal說：「真係好精彩，當中加入咗好多唔同舞步之餘，仲有好多高難度動作，睇到我哋都嘩聲四起呀！」Winkie直言現時中學生的啦啦隊相當專業，更謙稱要向他們多多學習：「記得以前嘅啦啦隊都係跳吓簡單舞步，依家呢啲簡直係難度表演，好厲害。我哋啱啱出咗碟，可以考慮吓喺快歌度加入難度元素！」
