司儀是一個高難度的挑戰，大考臨場反應，不過梁嘉琪在這方面的經驗甚豐富，不但經常主持一分鐘的迷你節目，早前更有機會參與大型慈善騷，而在聖誕節檔期她亦接下不少主持工作。她說：「以前多數做主持，因為我識得搞氣氛！做主持真係學咗好多嘢，之前同鄧梓峰拍檔做騷，喺佢身上吸收咗好多唔同嘅技巧。」

花時間揣摩角色

今年嘉琪亦有在電視劇亮相，與陳鍵鋒合演夫妻，戲份頗多，有不少發揮機會，令她愛上演戲，故最近有份參與電影《72家租客》令她非常高興。「之前都係拍時裝劇，但呢套戲好特別，係向《七十二家房客》致敬，要着番70年代嘅衫，係我第一次着嗰個時代嘅衫，感覺好新鮮。」

問到她會選擇主持或是演戲時，她即時說：「我揀拍戲！因為拍戲經驗淺，仲想學多啲，想求突破。」梁嘉琪在新片中再度飾演女警，她指會多花時間揣摩角色，帶給觀眾不一樣的感覺。

文：專案組