陳國邦與羅敏莊結束七年愛情長跑，一連兩晚在沙田擺喜酒，昨晚先宴請圈中好友。陳國邦胸前掛上Hello Kitty迎娶羅敏莊，原來是老婆「飛佛」。講到愛的宣言兩人亦百無禁忌，陳國邦說：「我會照顧到佢離開呢個世界！」
陳國邦與羅敏莊昨晚及今晚一連兩晚在沙田某酒店分別擺二十及二十二圍喜酒，先後宴請圈中好友及親朋，並於今日下午正式簽紙結婚。昨出席的圈中人包括汪明荃、佘詩曼、張可頤、郭晉安與歐倩怡夫婦、黃日華、陳敏之、郭政鴻及陳山聰等，可謂星光熠熠。
一定會喊
進行切蛋糕儀式時，一對新人穿上婚紗禮服亮相，最搞笑是以白馬王子look示人的陳國邦，胸前竟掛上Hello Kitty公仔，羅敏莊笑說：「Hello Kiity係我至愛，係我逼佢戴嘅。」陳國邦亦冧爆回應：「唔好話逼，係我鍾意就佢啫。」期間羅敏莊流鼻水，陳國邦即細心照顧妻子。問羅敏莊是否忍得住喊？她說：「啱啱綵排入場已經想喊，正式實喊囉！」
已度蜜月
提到愛的宣言，向來寡言的陳國邦打破沉默說：「呢啲唔係今時今日先嚟講，喺決定一齊時已經講咗，我會照顧到佢離開呢個世界，雖然好似好sad咁，但係我哋認同比對方走先會舒服啲。」羅敏莊說：「你要好好保重身子，唔係你先走過我……啋！今日唔應該講啲咁嘅嘢。」
他們表示婚後只會休息數天便重投拍劇工作，並笑言早前到日本拍婚照，已當是度蜜月。
文：影視組