電影《花田囍事2010》前晚舉行煞科宴，Angelababy、熊黛林、吳君如、古天樂、Ronald、李香琴、夏春秋及黃百鳴一同出席，緋聞纏身的Baby，被問到會否約William看戲時，直言兩人已有一段時間沒有聯絡，至於是否分手，她說：「一路都係朋友啫。（普通朋友？）一路都係！（唔抗拒其他人追？）唔抗拒，人哋追我都冇辦法。」

否認撻着黃曉明

至於傳出與黃曉明唱K撻着，Baby急急否認說：「根本冇可能，都唔知點解會咁傳。（有冇發展空間？）目前專注工作。」至於因拍戲與鄭中基傳緋聞，她風騷地說：「呢排多咗緋聞男友，今日生咗粒暗瘡喺『緋聞關』。」及至昨日Baby出席首飾品牌AGATHA新店開張活動，承認與黃曉明有聚會但否認唱K，揚言只是一班人一齊見過，大家只打了聲招呼，傳出與他失蹤兩小時實在太誇張！

君如取笑鄭中基

至於Ronald懵然不知和Baby傳緋聞，亦說冇必要向阿Sa（蔡卓妍）解釋，至於阿Sa生日有否送禮？即遭吳君如踢爆不外乎送相機和手袋，Ronald尷尬笑說：「實用吖嘛！」君如即搞笑地叫他考慮搞搞新意思，下次生日叫另一半准許「去滾」。

吳君如（左）踢爆鄭中基送禮給阿Sa冇新意，Baby笑言他是人肉搞笑機。

放大圖片

文：影視組