本文重點
胡諾言（Jack）與陳琪（June）為剛在九月出世的囝囝取名為Jay，組成3J家族，一家三口早前更為雜誌拍家庭照，胡仔笑言：「現在做老竇啦，要努力搵奶粉錢，Jay都要幫手啦。」現場所見，Jay眼睛大大，頭髮多多，樣子精靈，面對鏡頭一點也不怕陌生，還做出很多不同表情，秉承父母的演藝細胞。為求BB有更好的表現，胡仔以鬼馬表情逗BB開心笑，又充當攝影師，捕捉囝囝珍貴的一刻，一家人玩得不亦樂乎。
BB扭計唔准抱
談到囝囝，首嘗當母親滋味的陳琪即「四萬咁口」，開心稱BB容易湊：「BB鍾意食又鍾意瞓，冇乜影響我哋日常生活，反而老公好緊張，有時會語氣好重咁話BB，不過轉頭會同BB講對唔住，好似大細路。」不過，轉頭陳琪又踢爆老公心腸硬，她說：「我最唔鍾意係BB喊嗰陣，老公為咗唔想縱壞佢唔畀我抱，BB喊到面都青晒都唔畀，搞到我個心不知幾肉赤！」
文：名人組