楊千嬅昨日出席無綫《現代塵世美》記者會，在預告片中揚言有信心做稱職主婦的千嬅說：「限期七日咁多，諗煮乜餸好難㗎，試過由朝煮到晚，好在丁生話OK！我對韓國好有感覺，08年2月丁生同我喺韓國慶生日同第一次求婚。（想同丁生去當地靚景影婚紗相？）係都影咗演唱會海報先，同公司協議咗做嘢先，依家為出席樂壇頒獎禮減肥，丁生話如果我着到中門大開嗰啲衫就勁！（讚你sexy？）佢只會話我擘大口睇《宮心計》個樣好傻、着高踭鞋行路個款似豬肉佬。（老公有乜缺點？）我淨係叫佢keep住唔好有肚腩咋！」