郭羨妮（Sonija）與徐子珊前晚與新劇的台前幕後齊齊食收工飯，郭羨妮坦言聖誕期間接了不少工作，子珊則有好幾部片約在手，豬籠入水之餘，亦樂於與眾同樂。
郭羨妮、徐子珊、曹永廉、李香琴等，前晚約同《情越雙白線》六、七十位台前幕後齊齊打邊爐，慶祝該劇順利拍攝完畢，幾位主要演員每人出資四位數字請客，餘款則用作抽獎，有得食又有得玩，皆大歡喜。
恭喜張家輝封帝
Sonija表示有留意張家輝在金馬獎中封帝的消息，她說：「恭喜佢，之前同佢合作過電視劇《天涯俠醫》，佢喺劇入面要跑，我就要喺後面追，家輝可能有條『跑命』，依家終於有回報，我有睇《証人》，佢嘅表現真係好勁，演繹有血有肉。」
聖誕將至，問Sonija可有安排節目？她說：「聖誕接咗好多工作，好多都係因為睇咗我之前《古靈偵探Ｂ》而搵我嘅！」
拍趙薇子丹學嘢
而徐子珊對於家輝封帝亦連聲恭喜：「家輝好厲害，我都渴望自己有咁嘅一日，但咁高榮譽嘅獎項暫時仲係好遙遠，不過我都慶幸之前參與咗一套大製作《錦衣衞》，同片有趙薇、甄子丹、吳尊，我喺合作過程中學到好多嘢。（有冇留意批評你唱歌走音嘅報道？）多謝佢哋鼓勵，依家拍完劇會多啲練歌。」
文：影視組