Elanne、Square、鍾舒漫（Sherman）、吳浩康（Deep）、Chita及狄易達前晚出席北區迎東亞運動會亮燈禮，Elanne打頭陣出場，她連走四場騷忙到爆燈，並笑言：「當係做演唱會熱身。」由於是首次舉行個唱，她坦承感到很大壓力，經常發噩夢。

日前Elanne幫醫院拍攝宣傳片，但卻不敢照X光，原來22歲的她從未做過體檢或婦檢，她尷尬說：「我好保守，如果沖涼時媽咪突然入嚟我都覺得好尷尬。」

而同場的Sherman工作同樣密麻麻，更笑言「愈多愈好」。聖誕將至，Sherman坦言恨拍拖，但不察覺有任何追求者：「我都懷疑自己嘅吸引力，識嘅男仔都變晒兄弟，可能我太男仔頭，要女仔少少先得。」

狄易達勁歌熱舞騷哥利。

放大圖片

Deep送歌畀學友

而Deep前晚雙眼滿布紅筋，他表示早上跑完慈善馬拉松，接住又要工作，連踩16個小時好攰。Deep透露為鄭希怡（Yumiko）監製新國語歌，是他首次為歌手做監製，他更笑言：「因為我講嘢語氣、聲線平時都好粗魯，Yumiko驚我喺錄音室鬧佢，好在暫時都冇事。」積極創作的Deep更膽粗粗作了兩首歌，託朋友轉交給偶像張學友。

文：音樂組