三人女子組合Freeze前晚為新歌《摩登伽女》拍攝MV，三女以肉色透視裝示人，隱約露出肉色Bra，配以紅色短裙大騷長腿，又不時扭身趷Pat，場面惹火。MV內容關於佛教故事，妖女引誘釋迦牟尼，反映現代男女愛情。問三女會否怕惹起宗教非議？她們說：「唔擔心褻瀆神靈，故事主要都係講男女關係。」不過，成員陳樂榣坦言怕被信奉佛教的母親鬧死：「事前同佢講過，佢話我哋呢啲藝人最鍾意搵呢啲嘢嚟講。」另一成員石詠莉則表示曾遇愛情騙子：「拍咗拖一年，先知佢一腳踏幾船，當係個教訓囉！」