謝雪心昨日由愛女珈潁陪同下為台慶頒獎禮試首飾，她到中環皇廷鑽飾珠寶行，先試戴其中一套價值四千萬的綠寶首飾，她說：「第一次戴咁貴嘅珠寶，我諗到時連廁所都唔敢去。為咗襯另一套紅寶首飾，要揀過另一條裙。（臨近頒獎禮可會緊張？）都未識緊張住，外出時有好多朋友、觀眾支持，當攞咗獎。」
劇集《宮心計》結局最高收視達五十點平了《大長今》紀錄，她說：「我今日要綵排東華，都係依家先知，好驚喜，真係估唔到。（《宮》嘅觀眾未能超越《大》？）已經好理想喇，《大長今》成五十集咁長，我哋短佢一半喎。」
心姐希望可以原班人馬開續集，望網民、觀眾為她爭取多點戲份，心姐突然感觸落淚說：「我喺十四集死嗰陣，小青姐都SMS話唔捨得太皇太后死，睇到個SMS都好溫暖，我就係咁感性喇。」