佘詩曼（阿佘）、鄭嘉穎被指「甩拖」後，每次出席公開活動時都顯得非常避忌，昨日二人出席「搵銀」活動時即態度有變，有講有笑，阿佘煮湯粉給嘉穎吃的時候，更主動「求分」。
佘詩曼、鄭嘉穎昨日於沙田新城巿廣場出席PHO24越南餐廳開幕剪綵活動，之前有指二人分手後，嘉穎對阿佘態度避忌，不過昨日兩人有講有笑之餘，玩遊戲時更很有默契，當二人估對方喜歡吃甚麼食物，三題中答中兩題，期間，阿佘又親手煮湯粉給嘉穎品嘗，更向嘉穎「求分」謂：「畀畀面好喎！」嘉穎即說：「依家先講遲唔遲啲呀！」
唔畀滿分免自滿
兩人鬥打情罵俏，後來嘉穎給了阿佘98分，他說：「都好好味！但唔想畀滿分，免得佢自滿，希望佢會有進步空間。」問到二人是否首次以情侶檔出席，阿佘即更正：「係緋聞情侶檔！」而嘉穎則笑而不語，問他會否收貴些時，他說：「象徵式啫！都係向錢看。」
睇好攞最佳劇集
另外，二人知道《宮心計》大結局收視報捷，即開心得拍手，更表示期待可原班人馬開拍續集。說到最高收視與《大長今》打平，但觀眾人數卻有不及，阿佘謂：「可以平《大長今》都好好啦！呢套都算係本地創作里程碑，咁好成績一定要請食飯。」問阿佘會否對「視后」獎項更有信心時，她說：「口碑咁好，自己都當攞咗！呢套劇咁多人鍾意，反而攞最佳劇集嘅機會好大。」
文：影視組