陳偉霆（William）與G.E.M.兩位去年樂壇新人王，前晚以前輩身份出席《新城09熱捧新星Show》，為徐子珊、洪杰、Chita、麥家瑜（Keeva）、謝依穎、羅藍亞等打氣，經早前投票子珊以1,874票力壓緊隨其後的Keeva與溫家恒，成為「中學生最欣賞的2009樂壇新人」冠軍，大跳勁舞自摸的子珊，未知是否過於緊張，在唱出經典歌曲環節時，略有失準走音。

麥家瑜、徐子珊、余翠芝及羽翹各顯本領。	徐子珊舞姿惹火，引人遐想。	Chita自彈自唱，笑稱壓力太大要咬人定驚。

壓力大咬人定驚

雖然舞台經驗比其他新人豐富，不過子珊仍大叫緊張，一字形排開逐個唱猶如選港姐，她說：「感覺到壓力來臨，個個都係唱家班，要更加鞭策自己。」以近五百票屈居第二的Keeva就感謝學生支持。而Chita在自彈自唱晒才華時，卻顧上失下走光露底，自爆在後台緊張得要咬人定驚的她，又大讚對手Keeva唱得、子珊跳得，絕對有壓力。

至於因壓力患上牛皮癬的謝依穎，雖未康復，但為演出完美亦不介意晒紅腫美腿，大跳鋼管舞晒半股露出打底褲，打扮性感未怕走光的她說：「跳咗咁多年知道晒走光位，冇試過走光（打底王？）哈哈，表演前都會試清楚，搵朋友睇。」相反羅藍亞則密實上陣，以聲搶票。

羅藍亞以靚聲獲歌迷支持。	謝依穎鋼管舞性感且高難度。	放大圖片

陳偉霆偏心師弟

前輩級的William坦言偏心大讚師弟洪杰說：「識咗兩年，知佢好用心，今年係唱作人嘅世界（女新人睇好邊個？）子珊啦，佢年頭已經開始活躍，而且又係跳舞。」面對師兄William去年橫掃4金，洪杰亦言有壓力：「記得William上年同我講『下年就係你！』所以會努力，唔會令佢失望。」

採訪：音樂組