William昨日出席電影《美麗密令》記者會，對緋聞女友Angelababy指二人緋聞已畫上句號，到底他倆是否已分手？William予以否認，他說：「我哋一直係好朋友關係，我一直都想畫上句號，唔想大家專注喺緋聞上。（係咪公司畀壓力？）唔關公司事，冇畀壓力，唔好執着係朋友還是好朋友嘅字眼，我一直好支持Baby，希望佢喺日本發展好。」

承認大家冇見面

再問及他倆的關係有否變化，William重申大家是朋友：「Baby有段時間返咗嚟，不過我忙於拍戲，大家都有段時間冇見面。」之前他曾指Baby會替他補祝生日，可收到對方送的生日禮物？他坦言未收到：「但佢話會補送，送乜冇所謂，我最想要名車，但冇理由叫佢送，只要有心思就得。」至於Baby一邊劃清界線，一邊又與日本ＭＶ男主角田中圭搭晒膊頭合照，更將相片放上Blog，大晒風騷。

JM保護尊重朋友

昨日JM在深圳出席高球活動，對有指William向她求愛不遂才轉追Baby，JM笑言得啖笑，她與William是朋友，但各有各忙，很少見面，問她Baby有否說及拍拖事？JM說：「工作時唔想談及朋友。（同佢好朋友？）有聯絡，但好少見。（William有冇追求？）梗係冇啦！（Baby有冇表示感情告急？）朋友嘅事唔想講，想尊重、保護朋友。」