樂隊Mr.今年憑一曲《如果我是陳奕迅》唱到街知巷聞，早前更先拔頭籌，於勁爆頒獎禮記者會上，率先勇奪「勁爆播放指數大獎—歌曲」，風頭甚勁！問到對頒獎禮獲獎是否充滿信心？主音Alan說：「都係平常心面對，音樂得到市民認同先係最開心。」

對於令到Band Sound再度抬頭，Alan說：「確係多咗人留意樂隊，多人聽Band Sound係我哋嘅夢想。（吐氣揚眉？）都算，加上多咗好多樂隊，好似RubberBand，我哋係良性競爭。」

靠傳媒支持

談及「升呢」問題，Alan就謂：「進步一定有，自己讚自己好叻係冇用，要靠聽眾、樂迷同傳媒支持及認同。」成員Dash則說：「錢就個個都想搵，早排老細先講，開頭做藝人要7分運氣、3分實力，但依家就7分實力、3分運氣。（滿意成績？）都OK，好有滿足感，因為我係樂隊嘅雜務組組長，我唔介意有時揸車載埋佢哋，立場係為樂隊，唔係為自己。」

至於另一靚仔成員Ronny，予人酷爆感覺，他解釋：「呢一行講嘢要小心，唔係我專長，我冇佢哋講嘢咁叻。」

採訪：German

攝影：馬永堅

場地及服裝：

FLAMBOYANT@銅鑼灣