闊別紅館舞台十一年的鄭伊健，今年捲土重來，大搞電影主題演唱會，他接受《娛樂on Show》專訪，自爆曾計劃退出樂壇，兩位主持亦指伊健近年性情大變，由以前的遊戲人間變成積極進取。
近年專心拍電影和廣告的伊健，因為合作多年的唱片監製陳光榮一番話而改變初衷，不但打消退出樂壇念頭，甚至決心重踏紅館，做一場good show。他接受《娛樂on Show》獨家專訪，自爆曾經考慮退出樂壇。
考慮退出樂壇
伊健說：「無新歌面世呢五年裏，最初仲好期待會繼續唱歌、出唱片，以為只係搵唔到適合嘅愛情題材，之後慢慢習慣咗自己唔係歌手，甚至曾經同自己講：『鄭伊健，你仲唱咩歌呀？專心做好演員，退出樂壇啦！』直到去年底，合作好多年嘅唱片監製陳光榮突然話要幫我做歌，喚醒我唱歌條癮，拿拿聲搵Wyman填詞起貨。」
坐言起行，就連伊健自己都不相信，就好像撻着了的摩打，愈走愈順，愈順愈起勁。《娛樂on Show》主持人陳振安和俞詠文異口同聲爆料，指伊健主動找製作人商量個唱和唱片事宜，甚至親自打電話邀請作詞人合作，與早前遊戲人間的他性格有別，令經理人林珊珊大為感動。
女友做嘉賓？
相隔十一年再踏紅館，伊健透露今次以電影做個唱主題，並落實謝天華、陳小春和林曉峰等老友擔任嘉賓。問到女友蒙嘉慧是否嘉賓名單之一？他則大賣關子，揚言觀眾一定有驚喜。
文：專案組 攝：沈健程
化妝：Jessica Chan
髮型：Alex Wu @ Headquarters
服裝：A.P.C.
場地：彌敦酒店