樂壇頒獎禮如箭在弦，各歌手盡最後努力拉票，希望年底成績表有驚喜。已不再是新人的陳柏宇，今年被視為樂壇頒獎禮的黑馬人選，問到是否對歌曲獎信心十足？Jason謙稱：「冇刻意去諗，攞到梗係好，不過我睇獎項唔算睇得好大，仲未習慣留意成績，反而留意唱腔多啲!」

對攞獎冇期望

入行三年的Jason是幸運的，他每年均遇到好歌，由《斷絕來往》、《永久保存》、《I miss you》到今年的《你瞞我瞞》，均成為樂迷至愛。尤其是《你》，因為他曾在公開演出時唱到「動L」，成為網民一時熱話。Jason雖否認唱到「動L」，但他說：「呢件事冇負面影響，啲人笑完之後，會認真去聽呢首歌，咁樣反而賺咗，仲賺咗好多，賺咗人氣、話題同播放率。」

Jason笑言不介意此事變成終身笑話，他說：「幫我改名都冇所謂，大把朋友都攞件事嚟笑。」而唱片公司最近幫Jason力谷新歌《拍一半拖》，似為他爭取男歌手獎鋪路，他謙稱：「唔會刻意去諗，我係一個怕失望嘅人，唔會有太大期望，暫時仲有好多進步空間，有獎項係Bonus，係一種推動力。」

與裕美屬朋友

另外，Jason和裕美的緋聞傳得似層層，他強調和對方是朋友關係，並說：「講來講去都係佢。（想講第二個？）冇乜所謂啦，我依家真係冇拍拖，100%肯定﹗」談及擇偶條件？他說：「性格爽直，（大胸？）唔好呀，均勻就得，唔好大隻或者高過我。」

採訪：專案組

攝影：馬永堅

髮型：Carr Cheng & Alex So@P.O.P Hair Dressing