梁奕倫加盟bma接近兩年逐步轉型，由電台躍身電視台主持，繼續發揮能言善辯的本領，他說：「多謝老闆梁芷珊，係佢安排我加入無綫，其實之前一直都想喺電視圈發展。」而他亦步向「才子」之路，由去年暑假開始推出三本愛情小說，他還自爆當中八成都是其親身經歷。
發展多元化的梁奕倫最近還唱兒歌：「喺暑假做咗五場音樂劇，隻歌係金培達作，公司覺得好聽，唔想浪費佢所花的心血。」他與一群年輕人拍攝音樂特輯，頓時自覺變得年輕，不過亦慨嘆做人父母甚艱難：「終於明白點解工作人員話小朋友係拍攝難度，佢哋耐性唔夠，有個小朋友話第二日要考試，問可唔可以早啲走，佢哋又會帶好多零食嚟，好似郊遊咁，我就好似做咗湊仔公！」
