27/11/2009

播放本新聞相關短片

黎諾懿榮升老竇勁黐家

本文重點
黎諾懿近日收養寵物,自誇榮升老竇,不過問到他有否結婚生仔意欲?他即耍手擰頭,並表示生小朋友責任太大,暫時無意做真正的爸爸。

自出道以來鮮有傳出緋聞的黎諾懿,向來醉心工作,不過近日他竟然自爆榮升老竇,仲話自己有一仔一女,莫非黎諾懿學人秘密結婚生仔?

黎諾懿做老竇,並唔係學人結婚生仔,原來只是他最近養了一貓一狗,感覺似足一仔一女,責任重大,他說:「屋企有隻貓、狗,感覺好似做咗老竇咁,無論出咗去做嘢定玩,都好擔心佢哋喺屋企嘅情況,好想快啲返屋企睇佢哋,而且又要花好多耐性、時間去教佢哋,好似有日我用咗七個鐘頭教隻狗sit同jump,每次返到屋企,佢哋就會跟實我,有時仲會挨住我,感覺好窩心。」

抗拒生仔

而問到黎諾懿有否打算結婚做真正爸爸?他即斬釘截鐵表示:「我唔會生小朋友,但係將來會有結婚打算,因為生小朋友責任太大、教唔好佢,本身性格好緊張,如果生仔驚佢學壞,生女又驚佢畀人呃,依家社會變咗,學壞好易,學好好難。(屋企人冇催你結婚?)屋企人已經放棄我,因為我有阿哥同埋細佬,佢哋都結咗婚仲生埋仔,所以唔使我去繼後。」

文:影視組