最近o靚模熱潮減退，Lavina及Rainbow都要趁聖誕檔期瞓身搵真銀。早前她們出席婚紗活動時，要在鬧市穿上白色婚紗，引來不少途人圍觀，穿上「中門大開」婚紗的Lavina，毫不介意在10多度氣溫下大派冰淇淋，還賣口乖說：「今日我同Rainbow都係搭港鐵出嚟，啲人見我哋着婚紗，仲問我哋係咪結婚添。」

Rainbow在月曆中將大騷性感。	Lavina拋胸派飛吻，夠晒誘惑。	Lavina和Rainbow穿上婚紗在宣傳車上任由途人圍觀及拍照。

驚引起恐慌

記者發現當日二人全程都是「自己顧自己」，並沒有保母車及助手陪同，被問到在港鐵車廂內有否穿外套時，Lavina即搶答：「梗係有啦，費事引起恐慌。」

身旁的Rainbow亦不忘硬銷其月曆：「我同Lavina都會出月曆，兩個半裸加埋咪等於一個全裸囉，除咗月曆之外，我哋仲有床單同公仔其他產品。」

北上搵真銀

Rainbow及Lavina今次幫婚紗店在鬧市宣傳外，稍後還會上內地宣傳，在聖誕的黃金檔期，她們指工作都由經理人安排，對於在佳節加價，二人則沒有正面回答，只稱價錢相當合理。

文：專案組