Gary日前於facebook上載多張於加拿大拍攝的相片，正是他上月底於多倫多、溫多華及卡加利等地舉行巡迴演唱會的花絮相片，Gary除了落力練琴之外，更不停對住歌譜練歌、背歌詞，認真投入。

開騷前唔戒口

曾於加國讀書的Gary，在開騷前抽空探望當地的好友，見他戴上cap帽跟幾位好友到附近的咖啡店歎咖啡、食冬甩，簡直是賞心樂事，他說：「開騷前一定會有少少緊張，不過加拿大係我成長嘅地方，同啲朋友周圍行吓、傾吓偈，都已經覺得好放鬆！」出騷當日，化妝間的梳妝枱前一片混亂，不過並非化妝品，而是漢堡包、咖啡及生果等滿枱食物，似乎Gary開騷前不會戒口，實行食個痛快，儲夠體力上台演出。

返內地會歌迷

Gary過往一直留在中、港、台三地發展，他坦言難免會忽略較遠地區的歌迷，所以今次開騷都特別舉辦歌迷聚會，回饋大家，他透露完成加拿大的巡迴演唱後，下月就忙於到內地宣傳，分別到北京、上海及蘭州等地跟內地歌迷見面。他說：「我真係好多謝各地歌迷都咁支持我，真係好開心同感動！」

文：音樂組