譚耀文自轉投大陸經理人公司，工作不斷，他除忙為聖誕檔期上演的《風雲Ⅱ》宣傳外，本月尾先飛內地搵真銀，十二月便到上海拍攝劉鎮偉新戲。

談到早前為《風雲Ⅱ》在泰國開工時，阿譚認真又愛又恨，因為他演的皇帝一角，在戲中要「污糟邋遢」，更在布滿沙粒的廠中赤腳拍落難場面，阿譚說：「我腳板底都爛晒，個廠又熱又焗，呢個皇帝真係非一般，（酬勞補償？）我哋唔淨係講錢，講交情嘅，如果唔係，我就唔會等開第三部。我個角色未死，仲有得發揮！」阿譚亦有信心不會像鄭伊健所講，等《風雲》再開新一輯，會由希望等到絕望。

望妻兒移居北京

阿譚中、港兩地拍戲，經常離開妻兒，他都很不安樂，故他正考慮在北京置業，望妻兒移居北京，他便可每天回家跟愛兒玩最愛的「摔跤」，他說：「我都想個仔讀北京嘅國際學校，學好啲國語，因為我好鍾意呢種語言，（追多個？）依家兩邊走都冇時間，如果老婆嚟埋北京住會方便啲。」

文：影視組