天華在頒獎禮前夕，先獲無綫送上一個「Laughing哥」Figure公仔，這個為獎勵「Laughing哥」電影大收的禮物，已被天華視為獎項：「呢個係非賣品，我會擺喺屋企當眼嘅地方光宗耀祖，其實我好鍾意呢份禮物，特登整個Figure公仔畀你係一份榮譽。」至於公仔會否公開發售，天華稱若有需求，不排除有此可能性。

想連奪兩獎

而在下月四日的《萬千星輝頒獎典禮2009》中，天華獲「最佳男配角」及「我最喜愛的電視男角色」獎兩項提名，問到這個公仔可令他增添信心？天華說：「我自己都會加一分落去嘅，我已經當個公仔係獎㗎喇，（預留隔籬一個位畀真正嘅獎座？）好呀！（有冇信心攞晒兩個獎？）有，佘詩曼都攞過。」

冇計過收入

另外，天華這年的工作量亦大增，問到收入是否也大增？他笑說：「冇計過喎，一大堆數字要搵會計師計至得，（即係搵好多啦！）嘻嘻，我同老婆啲數學都好水皮。」

文：影視組