楊愛瑾（Miki）跟鄧麗欣（Stephy）昨日應邀出席尖東舉行的聖誕活動，雖然現場海風不停狂吹，但Miki仍勇字行頭，以真空大露背的連身裙上陣，而Stephy着住花邊熱褲騷長腿，兩人在狂風下炮製飲品及切火雞，非常狼狽，期間Stephy舉起雙手整理頭上的聖誕帽時，披肩內的透視Bra Top若隱若現，Miki說：「頭先真係好大風，我跌一跌膊嗰陣真係好驚，不過已經做晒安全措施！」
Miki跟Stephy透露聖誕節將會在工作中度過，Miki笑言：「好開心有工作，因為我身邊朋友全部都有另一半，我唔可以做人第三者嘛，同公司、歌迷一齊過會熱鬧好多，唔使一個人孤零零嘛！」
