基仔加盟英皇後首張唱片《you talkin' to me?》銷量達白金佳績，前晚唱片公司斥資五位數為基仔筵開十席舉行祝捷會，Mani在台上指基仔「吸金」力強為公司賺大錢，所以和吳雨送贈一座「運財童子」給基仔，寓意基仔繼續為公司賺錢、財源滾滾來。不過基仔聞言笑笑口表示：「仲有第三個意思，就係我都係『童子』！」全場即時起哄，基仔見狀即打圓場：「講係咁講啫！」

Mani自嘲在MV中飾演基仔母親。

基仔與英皇一眾高層合照。

新東家帶挈多

基仔被問到現時成績是否好過舊公司？他避忌表示比較的問題不回答，但承認收入和機會上較好，至於對公司還有甚麼要求？基仔想也不想便說：「我想Mani做我MV女主角！」身旁的Mani聞言說：「嘩，玩到咁大！」但基仔喋喋不休說個不停，還希望加入親熱鏡頭，記者問Mani是否收很貴酬勞，她笑言：「我驚我要倒貼，邊有人搵幾十歲嘅人拍MV㗎？我可以扮佢阿媽！」

另外，今次祝捷會被指是鞏固基仔一哥地位，但基仔謙虛說：「唔好講一哥唔一哥，畀心機做好藝人，喺fans心目中一哥就夠！」

採訪：音樂組