張繼聰（Louis）昨日與師妹王若琪出席「UNIQLO HEATTECH The Heat Generation」發布會，其妻謝安琪（Kay）近日受網上流傳的照片困擾，Louis出言力撐她，並說正諮詢律師，是否振夫綱？他說：「唔關事，係男人都會咁做，好想捉到邊個整嗰張相，搵佢出嚟，呢個誹謗有傷害性，係歪風，唔好以為喺網上Post啲相出嚟，就唔使負責任，律師話都可以追查。（想知相中男主角？）直情唔想知。」
有指Kay為此事不快落淚，Louis說：「佢有唔開心，但就算喊都唔值得流咁多眼淚，今年啲新聞真係夠喇，我只會做好自己工作，其他嘢當時運高睇唔到。」
活動上，Louis示範襯衫技巧，他說不會幫太太買內衣褲及女性用品，不過Kay會為他買底褲衣物。問Kay是否控制他買衫？Louis說：「唔係，佢控制我嘅吸引力，我唔會控制番佢，兩夫妻講個信字。」