首次得獎的徐濠縈成為全場焦點，因有傳近日在網上流傳的照片令她十分困擾，日前她更缺席活動迴避追問。昨晚阿徐現身頒獎禮，明顯有備而來，氣定神閒直言冇看過有關照片，更言因樂壇頒獎禮臨近，故對謝安琪（Kay）及陳奕迅（Eason）有所攻擊。
問是否百分百信任Eason？阿徐說：「呢啲講嚟都多餘，成件事好戥Kay慘，真係攻擊得佢好緊要，好無聊製造醜聞中傷人，大家都有小朋友，咁做好唔啱！Kay講得好啱，件事係好大嘅侮辱，佢係女仔又係媽咪，點解要攻擊佢？」阿徐最大的影響是要經常回應無聊傳聞，破壞扮靚心情，要為Eason出一口氣？她說：「唔係出一口氣，係講應該講嘅嘢，如果連我都唔敢講，咁邊個講？」Eason的經理人公司也發聲明，是否代表Eason忍無可忍，阿徐說：「咁耐以嚟都係煩，今次太離譜，一次又一次中傷，愈玩愈大，發聲明都啱，可以確保兩人形象。（Eason唔開心？）佢見我嬲都唔開心。」