人氣爆升的Jessica C.接job不停，早前就為She.com拍攝聖誕專輯，轉了四個look的她在鏡頭前盡展不同美態。聖誕將至，Jessica表示會返芝加哥陪家人慶祝，她說：「我媽咪想我返去，屋企人好重視感恩節同聖誕節，我哋係天主教徒，每年都會一齊慶祝，同埋一齊去教堂。我已經同公司攞咗假，依家check緊啲機票，我諗會去兩個星期左右。」

Jessica以華麗造型演繹Forevermark珠寶首飾。

Jessica近日四出購買聖誕禮物。

最想有隻錶

Jessica此行會跟男友Sergio同往，是Sergio首次跟她的爸媽正式見面，Jessica說：「Sergio同我爹哋媽咪有喺電腦度傾過偈見過面，但真人就未見過。（爹哋媽咪覺得佢點？）佢哋都鍾意Sergio，話佢係個好男仔，爹哋媽咪想我開心。」

雖然兩人已拍拖近三年，但今個聖誕竟是二人首個共度的聖誕，Jessica說：「之前要工作就唔到，上年都係分開過，今年終於可以一齊慶祝，好開心，我期望會係一個好浪漫又甜蜜嘅聖誕。（會唔會交換禮物？）會，我仲諗緊買咩送畀佢好。（你想收到咩？）我需要一隻手錶，我自己冇手錶，成日都要問Sergio時間，我估佢應該會送畀我。」

Jessica透露會在香港挑選聖誕禮物給家人，她說：「我會買啲飾物畀我兩個妹妹，呢度啲飾物又平又靚，媽咪就鍾意食果仁同糖，爹哋最難揀，因為佢冇咩特別喜好同需要。我時刻都好掛住佢哋，好想快啲可以同Sergio一齊返去。」

採訪：名人組