GiGi原定昨日啟程往寧波出席張之亮導演開拍的電影《肩上蝶》記招，惜前日她患上重感冒發高燒，被迫留港養病。燒至102.8度的GiGi全身乏力，需母親貼身照顧，吃藥後GiGi高燒已漸退，但因藥力關係仍顯得迷迷糊糊，她受訪時有氣無力說：「發燒真係好辛苦，我個身熱到可以用嚟炒飯！」

雖然仍未完全康復，但GiGi有感已答應導演出席記者會，故不理會醫生勸告，堅持今日起程出發往寧波，她說：「我會帶齊啲藥去，有同事陪住唔使擔心！」

另外，GiGi早前到東京拍戲期間，適逢當地舉行一個「100% Design」的藝術展覽，讀設計的GiGi第一時間相約在當地讀書的表妹一同前往。GiGi對各種新奇有趣的藝術品大感興趣，令她眼界大開，更使她萌起設立自家品牌念頭。

GiGi手拿地圖，踩着單車穿梭東京街頭，各式藝術品令她眼界大開。

放大圖片

騎單車穿梭東京

GiGi更即場購買了一架單車，邊手拿地圖邊踩着單車穿梭於東京街頭欣賞各種藝術品，她興奮謂：「咁啱佢哋成個月都係設計月，所以成條街都係藝術品，我好享受一個人踩住單車自由自在咁欣賞呢啲藝術品！」

文：音樂組