【林淑汶北京直擊】昨日，天梭錶在北京舉行「明‧滿‧天下」新代言人發布會，正式宣布黃曉明和奧運劍擊金牌得主仲滿加入成為代言人。而將於明年成為連任六年代言人的大S，亦悉心打扮到場支持。

自覺聲譽受影響

黃曉明接受訪問時，被傳媒追問與Mango的緋聞，他即鄭重澄清：「係誤會，之前我哋喺工作上有合作，冇乜人知我哋識咗好耐，我哋乜嘢事都冇發生！」他更大呼：「好冤枉！咁正常嘅事情寫到咁離譜！」他又表示因此感到不開心：「覺得影響我聲譽，唔係因為Mango所以我閃避，平時我出街都會閃避，係因為唔想人哋知我嘅私生活，（與Mango有發展可能？）冇可能，人品比外形更重要，我鍾意心地善良嘅。」言語間更流露暗寸Mango的意思。

黃曉明和奧運劍擊金牌得主仲滿（右）加入成為代言人，與大S齊齊亮燈。

大S為手錶任代言，大騷美腿。

Mango自爆戀情

相反，早前黃曉明與大S因合作拍攝電視劇而結緣，兩人昨晚同場，表現得相當合拍及有默契，大S更對拍檔讚不絕口，對於兩人合作做代言人，大S坦言：「依家一齊做代言人，感覺如同戴情侶錶。」

而Mango前晚出席FEVAR Club女士之夜派對時，首次承認與富家子Homan Tandijono拍拖多年，但兩人已分手一段時間，她說：「我唔想認係因為佢唔係圈中人。（分手係同郭富城傳緋聞前定後？關唔關事？）唔關事，唔關任何新聞事。」她又澄清對方不是開航空公司，而是打理家族生意。