將於明年一月十五日於九展舉行處女演唱會的江若琳，為了演出一鳴驚人，近月均在地獄式schedule中度過：「我依家除咗出席活動，仲要排舞、學跳舞、睇中醫、練歌，同做健身，嚴格嚟講一日廿四小時真係唔夠用！我依家每日八點就要起身，但到夜晚點幾兩點先有得瞓！好辛苦呀！」
江若琳還表示，前日看中醫時，對方竟指她的身體機能出現衰退迹象，廿零歲人竟擁有三十幾歲人的身體，令江若琳大為緊張，為了以最佳狀態迎戰演唱會，她笑指已狠下心腸投資五位數買補品補身：「真係好肉赤，不過聽到身體差成咁真係嚇咗一跳，醫生仲話我疲勞過度添呀！」
