本文重點
蔡卓妍（阿Sa）成為全港搵銀之后，但她直言過程比錢更重要，更說：「唔做嘢都唔知點算！」似乎未有意思翹起雙手做鄭家少奶奶。
阿Sa前晚以「煤氣低碳聖誕大使」身份現身尖沙咀，踏着單車主持環保聖誕亮燈儀式，宣揚綠色生活，並唱出全新煤氣主題曲《幸福空氣》。
同英皇合作愉快
最近有雜誌為眾女星身家大計數，阿Sa成為全港之冠，更傳出有唱片公司以高達九位數字拉攏阿Sa過檔，Sa對此表示：「都未完合約，仲有啲時間，同公司老闆、同事關係都好好。」至於是否荷包腫脹？阿Sa就言工作不單為金錢，所得的經歷亦相當寶貴，她強調：「我好享受我嘅工作，係一種樂趣，依家叫我唔做嘢都唔知點算。（今年賺多咗？）其實差唔多，確實係多咗廣告。（加咗價？）呢個係商業秘密喎。」
阿Sa再三表示與公司合作愉快，而且有空間完成想做的事，問她是否曾被一億挖角？阿Sa就問非所答說：「OK啦，總知英皇會係我優先選擇，喺呢間公司好開心，有時搵得多錢，都有機會唔開心，我唔會冒呢個風險。」
另外，阿Sa的兩張個人專輯均獲得白金成績，其經理人Mani為獎勵阿Sa送上歐洲雙人來回機票，問她有否打算於聖誕享用？阿Sa就言聖誕需出席頒獎禮及工作，無暇抽身。
採訪：音樂組