Kelly前晚身穿低胸連身短裙襯六吋高跟鞋，出席「又一城‧聖誕光樂協奏曲」亮燈儀式，在聖誕老人的陪同及香港管弦樂團的伴奏下獻唱《愛的協奏曲》。Kelly相信今年是最難忘的聖誕節，皆因首度和愛兒「蝦餃仔」Chace過節，她已買了聖誕老人衫仔，還會準備聖誕樹及裝了奶樽的襪給囝囝。

被老公嫌悶

問她可有為陪愛子而推Job？ Kelly坦言：「都有少少，但仲有啲（工作），我都有為呢件事掙扎過，不過啲朋友話我個仔十點半都瞓咗啦，做乜都唔知，不如去搵錢。」「要仔唔要公」的她，又謂不用刻意陪老公，因為她唔「飲得」，老公嫌她悶，寧願搵朋友陪。

有傳Kelly今次的酬勞達九十萬，手上戴上巨型寶石戒指的她否認說：「冇咁多，如果有，我做多幾單就夠錢買手上咁大粒鑽戒，依家只夠錢買一忽咋。」她又說產後身價冇變。

Kelly憧憬和「蝦餃仔」首次度過難忘聖誕。 （資料圖片）

Kelly趁「蝦餃仔」瞓覺，接Job搵銀。

着兩歲衫仔

問Kelly可會再生？她呱呱叫說：「（生咗）四個月咋！傷口復原又劏？再劏會死㗎我，我好驚。」她表示第一胎是剖腹，故第二胎可能一樣。怕生仔的Kelly被問「蝦餃仔」現狀時，她轉憂為喜說：「佢四個月，有二十磅，抱佢抱到手瓜起，佢依家着一、兩歲嘅衫仔。」Kelly透露因常做瑜伽，故身材、體重已回復未生前一樣。

採訪：音樂組