前晚，薛家燕出席電影《聽說》慈善首映禮，本來心情大好，但當記者問她知否陳鴻烈的死訊時，立時顯得非常難過：「吓？陳鴻烈喎？佢台慶坐我隔籬㗎喎，oh my godness！」家燕姐覺得非常突然：「台慶嗰日佢仲同我係咁傾偈，好愕然，健康真係好緊要，我之前病都可能會一剎那唔喺度，真係好心痛。」問家燕姐會否覺得無綫的工作量大？她表示：「最緊要知自己身體嘅負荷，不過烈哥拍《畢打》算冇咁辛苦，唔使捱夜。」
袁詠儀表示：「我未曾跟陳鴻烈合作，不過，喺電視廣播城開工時，經常都於化妝間見到佢，我覺得佢官仔骨骨，好似公子咁，更加係一位好開心嘅人，唔覺得佢係一位老人家，希望陳鴻烈家人可以節哀順變。」
