一直被視為「視后」熱門的楊怡昨日與陳敏之出席「汽水樽珍藏展」活動，大會安排兩人互相送特色汽水樽作為禮品，敏之送汽水樽給楊怡時笑言似頒獎，更祝願楊怡能奪得視后寶座，楊怡聞言即四萬咁口，十足十頒獎禮預演一樣。

楊怡就祝願敏之能奪飛躍進步女藝人獎，她自言對爭獎絕不緊張，最緊張反而是連日來被「狗仔隊」貼身跟蹤，她自稱說：「之前話我避狗仔隊所以衝燈扣分？其實我冇畀人扣分，大難不死，不過唔好意思連累咗其他人扣分，搞到有見狗仔隊恐懼症，所以依家走去搭港鐵。（係咪避狗仔隊？）想做啲私人嘢，其實我已經七年冇搭過港鐵好陌生，好彩有助手喺身邊，好似導盲犬咁。」

放大圖片	佘詩曼對角逐視后抱平常心。

米雪包八圍宴客

此外，佘詩曼、關菊英、米雪前晚出席《宮心計》飯局，而自掏腰包筵開八席宴客的米雪，更帶備代言的健康食品到場作抽獎之用，十分慷慨，場面熱鬧。

雯女爆瘡避記者

同是「視后」大熱的鄧萃雯，日前晚上約七時半，戴上冷帽及黑超遮掩素顏，獨自在中環IFC行街，她誤以為記者是朋友揮手打招呼，後來發現認錯人即轉身拔足狂奔，記者追上前問她為何要奔跑？雯女尷尬說：「我見你哋熟口熟面，以為係朋友，我又冇化妝，仲爆咗幾粒暗瘡，唔好影我喇！」其後雯女入了一間首飾店睇飾物及耳環，最終卻揀不到心頭好，最後往停車場方向離開。

文：影視組