23/11/2009

播放本新聞相關短片

黎耀祥接夏雨棒預演稱帝

本文重點
今屆大熱視帝黎耀祥與上屆視帝夏雨一同出席禁毒活動,兩位好戲之人惺惺相惜,夏雨更徇眾要求,即場預演一幕新舊視帝交棒儀式。

身為油尖旺區禁毒大使的祥仔,昨日與太太出席青少年禁毒活動,但因要趕拍《畢打自己人》外景而匆匆離開。當祥仔見到前輩夏雨時即恭敬上前打招呼,期間記者「起哄」,叫去年視帝夏雨作狀交棒給「準視帝」祥仔。

永冇遲到早退

事後夏雨表示:「視帝好清晰,祥仔攞係實至名歸,佢係有實力嘅演員,演員道德又好,從冇遲到早退冇怨言。演員除咗演技好外,專業態度亦好重要,佢唔遲到做咗帶頭作用,就唔會影響進度,呢樣值得欣賞學習。」但當問夏雨心水視后屬誰時,他則未有肯定答案,只說:「都係楊怡、鄧萃雯、佘詩曼之爭,三個都有實力,好難揀。」

非無綫親生仔的夏雨去年攞獎開創先河,他覺得無綫已成熟了,如因非親生而與民意有出入不頒獎,會減低信服力。對於祥仔表明不會做無綫親生仔,夏雨謂一切看各自需要,沒有對與錯。

文:影視組