「搶城」失敗的王秀琳（Mango）前晚出席酒吧開幕活動，揚言酒量淺的她自爆曾慘遭過氣男模於車廂中狼吻，但礙於對方是朋友而扮唔知、唔追究，不過該名「啜醉杧」賤男則仍活躍於圈中！
一班女藝人及o靚模前晚現身灣仔出席某酒吧開幕活動，包括Mango、李蘢怡（Tiffany）、趙碩之、劉欣宜、周秀娜、A. Lin及DaDa、盧巧音及李蘊等。Mango接受訪問時揚言已戒甩夜蒲習慣，她說：「我唔係好識飲，但人哋攞酒埋嚟我就照飲，試過飲到要打止嘔針！」
朋友唔追究
問Mango飲酒期間有沒有試過遭色狼上下其手？她坦言：「有呀，有年去老闆生日派對，點知飲醉咗，公司同事就叫咗個男仔送我返屋企，佢竟然喺架車上錫我個嘴，但就冇摸我，不過佢係我朋友，所以冇追究，我只係扮唔知！」
Mango揚言當時很醉而沒有反抗能力，只致電前度男友求救，至於該名「啜醉杧」的男士是否圈中人？Mango說：「佢以前係做模特兒，不過依家都仲活躍喺圈中！」
記者指事件跟多年前尹天照涉嫌非禮案相似，Mango即慌忙說：「唔好提啦，都過咗去！」
兼職做奶媽
同場的Tiffany身穿短裙上陣，她透露家中愛貓生了四隻小貓，但由於天氣寒冷，貓媽媽偷懶不肯餵小貓，所以她要身兼母職，每天負責開奶粉餵貓，她說：「我次次餵貓仔飲奶、搽眼膏佢哋都掙扎，但又要好有耐性，終於感受到母愛嘅偉大！」
對於王秀琳自爆被男友人狼吻，Tiffany說：「佢有同我講，不過可能我高大，所以冇男仔敢行埋我度！」
採訪：音樂組