「禁毒滅罪耀北區2009」於粉嶺遊樂場舉行，該區氣溫只有12度，不少男歌手都以大褸上陣，反觀女歌手就愛靚唔愛命，鍾舒漫、羽翹等都以小背心力抗寒風，而壓軸登場的謝安琪（Kay）以性感背心裙上陣，胸前喱士透視大條波罅，性感程度成全場之冠，Kay笑說：「最近有好幾個騷，我諗個Stylist搞錯咗室外同室內嘅活動，惟有頂硬上啦，同埋我不嬲都住新界，溫差唔係好大！」
問到有否防寒措施，Kay說：「梗係有啦，我已經放咗十幾個暖包圍住個身，（搶晒鏡？）我都係尊重大會啫！」問到禁毒活動會否想起關楚耀，Kay說最近少和對方電話聯絡。
