Chilam、泳兒、鄧麗欣（Stephy）、狄易達、李克勤、鍾舒漫等歌手前晚為「禁毒滅罪耀北區2009」活動演出，Chilam匆匆到埗就示意要趕住離開，他表示正為TVB拍攝新劇，問到他有否睇《富貴門》支持太太袁詠儀演出，Chilam坦言說：「冇喎，不過會錄低，或者遲少少買DVD睇，好多人都會上網睇，同埋套劇成40集咁多，我覺得會有後勁！」

靚靚在《富貴門》中與羅嘉良有不少對手戲。	鍾舒漫與克勤亦有抽空出席。	放大圖片

免費拍無頭東宮

對於太太跟鄧萃雯、佘詩曼等競逐視后寶座，Chilam竟然大潑冷水，他笑言：「視后呢樣嘢都係輕於鴻毛，佢已經係影后啦，咁樣好似讀完大學又返去小學咁，好怪，如果TVB肯頒個視后畀佢，我實行批個頭落嚟當櫈坐，再免費幫佢拍十年劇集，（你都冇頭點拍劇？）拍套『無頭東宮』囉！」Chilam表示深明頒獎禮的遊戲規則，好多關係涉及其中，他從來不會妄想做視帝，他說：「大機構頒獎係一件好溫馨嘅事，外人只可以助興，其實好合理吖，如果個台係我嘅，我都會咁做，有錢都留番畀自己個仔啦！」

狄易達當晚表演勁歌熱舞。

Stephy揚言不會出席各個頒獎禮。

Stephy明年再戰

另外，Stephy連環缺席三個樂壇頒獎禮記招，她解釋因為有工作在身而未能赴會，她說：「今年我冇出碟，得一首同方力申合唱歌，所以未必個個頒獎禮都會出席，冇乜所謂啦，出碟唔係為攞獎，明年再努力啦！」

採訪：音樂組