【陳嘉敏深圳直擊】早前代表香港參加第廿一屆世界模特兒小姐大賽的「美味天使」春卷王宝宝，於本月九日已到了深圳接受連串訓練以及出席有關活動。而昨晚六十位佳麗包括春卷原本要一起參加大會於福田香格里拉酒店舉行的活動「容御一見難忘大獎晚宴」作賽前熱身，可是昨日中午春卷吃過午飯後便突然嘔吐大作，最後大會決定送她入院。抱恙在身的春卷最後要留在酒店休息，未能參加晚宴。

拒絕照腦抽血

本報記者昨午到春卷下榻的酒店探望，只見她一臉病容，桌上更放了多包藥丸，她說：「今日（即昨日）十二點零食完嘢之後就好唔舒服，作嘔作悶，嘔咗兩次，成身好軟、好頭暈，仲流鼻血，之後大會送咗我入醫院。（擔唔擔心？）覺得好奇怪，從未試過咁樣，我到咗醫院後又再嘔過，後嚟醫生話我係疲勞過度，不過個醫生叫我照腦同抽血，我推咗，因為我覺得冇咩事。」

春卷透露近日為了該比賽忙得團團轉，她說：「我呢幾日密集式受訓同出席活動，試過有一晚半夜兩點鐘叫我哋起身開會，我每日都瞓得五個鐘。但我唔擔心身體或者狀態會影響出賽表現，頭先瞓咗一覺好好多喇。」

無法通知男友

春卷母親和公司同事知她入院後，便即趕往探望她，問到男友李思捷可會感到心痛？她說：「佢唔知我入院，因為我冇通知佢，大會規定我哋啲電話唔可以打出，只可以打入。我媽咪同埋經理人都係大會通知。」春卷母親隔天會為女兒送上愛心靚湯，見女兒如此辛苦坦言感到心痛。