樂壇天后容祖兒自稱手機白癡，不懂得將SMS過落新手機，為保短訊令家中有廿部手機排成一列，笑言似足的士司機。祖兒坦言不敢賣手機，指機內有很多絕密照片，不能公開。
祖兒獲委任為「亞洲遊戲展×香港網絡遊戲展2009」的大使，昨日她以一身前衞造型亮相活動，不讓同場袒胸露腿的game girls專美。祖兒表示熱愛打機，但不夠朋友沉迷，她笑說：「我最沉迷係科技產品同時裝，因為我鍾意扮靚。」
多窩心短訊
問祖兒是否喜歡換手提電話？她說：「係呀，換得好多，屋企有成二十部手機排喺度，好似的士司機咁。（點解唔賣出去？）我唔識過短訊，成日失敗，所以keep咗一排電話。（係咪有情話綿綿嘅短訊？）唔係，好多鼓勵說話，想紀錄番溫暖友情。不過呢兩年都冇乜點換電話，自從阿咩同阿咩（慾照風波）之後。」再問是否有不能公開的照片？她自嘲說：「有唔化妝相，好似鬼咁，驚人執咗。」
愛拍大頭相
祖兒自爆多年前去機場廁所時，因為大意放下手機，結果回頭尋找時已不翼而飛。她說：「裏面有好多相，自己無聊時鍾意玩自拍，好多相都係大頭，眼又凸，驚啲人執咗睇到，以為呢個人做乜。」
文：音樂組