昨日（廿二日）便踏入廿七歲的蔡卓妍（阿Sa），與前日廿四歲生日的陳偉霆（William），前晚於中環舉行盛大生日派對，英皇公司老闆、高層和同事及圈中好友踴躍到場，部分來賓配合主題將自己變成「Rock友」出席，惜整晚卻未見蔡卓妍緋聞男友鄭中基和陳偉霆女友Angelababy現身。

關智斌	陳偉霆以「傑克船長加爆粗Band友」造型現身，絕不欺場。旁為其表弟。

另一半齊缺席

蔡卓妍以黑色為主打，牛仔褸和短Boot均鑲上窩釘，兩手亦戴滿銀器，並配上bob頭、黑眼線和黑指甲，搖滾Rock味十足。問到緋聞男友鄭中基可有到場？她說：「佢有工作唔喺香港嘛。（生日願望？）身體健康。」

昨日阿Sa提到前晚的生日派對，她說：「玩到三點幾，好多禮物都未拆，不過尋晚關智斌真係好靚仔，我成晚都追住佢攬，今朝一早瞓醒就即刻諗起佢。」

壽星仔陳偉霆在表弟陪同下，以《魔盜王》中的尊尼特普加爆粗Band友造型現身，一頭粟米爆炸髮型配上骷髏圖案Head Band，並穿上紋身手袖，他笑言造型是髮型師和化妝師送上的禮物，他說：「Mani話唔夠Rock嘅話要追討番四百元入場費嘛。」

發了福的洪卓立與緋聞女友湯怡（左）及詩雅到賀。

中環的寒夜星光熠熠，吸引大批途人駐足圍觀。

嫌Baby太大份

對於Baby缺席，他說：「佢要工作唔得閒。（到場更開心？）梗係。」他又指私下再與女友慶祝，一臉幸福，但當問到女友送上甚麼生日禮物時，他卻說：「未送，冇所謂啦，心意啫。（成個人送畀你？）唔好，太大份。」

此時英皇娛樂唱片及藝人部總監霍汶希（Mani）到場，眼見陳偉霆打扮如此「精彩」亦不禁嚇了一跳，並「嘩」了一聲，Mani說：「你睇吓我條鏈先啦，都好Rock㗎。（送咩生日禮物？）送咗前途同工作畀佢哋，唔使諗住有假放㗎嘞。」生日派對出席賓客眾多，有英皇老闆楊受成夫婦、高層吳雨等，英皇歌手亦傾巢而出，圈中好友分別有周麗淇、孫耀威、HotCha、Mr.和Eric Kwok等，群星到賀，吸引大批途人圍觀。

文：影視組