bma女新人Chita、組合HotCha及Swing前晚為慈善籌款晚會演出，Chita於台上獻唱新歌《倫敦橋》時，大受歡迎，她表示歌曲描述父母跟子女的關係，Chita說：「3歲嗰陣，爸爸幫我拍咗條片，係我唱緊《London Bridge is Falling Down》，但冇幾耐就同媽咪離婚，當時係好唔開心，大個試過拍拖之後，就明白點解，冇再嬲佢哋！」
頒獎禮將至，HotCha表示以平常心面對，Regen說：「今年競爭好大，同埋我哋有少少阻滯，拍戲延遲咗出碟，希望下年再努力！（冇乜信心？）其實年年心態都差不多，獎項係控制唔到嘛，做好自己本分就已經好喇！」
