袁詠儀（靚靚）雖然有份角逐視后，不過她對爭獎似乎闊佬懶理，前晚更與好友伍詠薇結伴到中環ifc睇首飾，心情相當輕鬆。記者上前問靚靚是否揀首飾出席台慶？她說：「唔係，我都唔去！」靚靚被捧為視后大熱門之一，問她為甚麼不畀面出席？她就說：「我都冇話去，係你哋話咋！（冇信心攞獎？）我不嬲都係屋企嘅女主角，都做咗好耐啦！」而伍姑娘則表示頒獎禮當晚會悉心打扮出席。
其後二人約埋曾志偉、洪天明、湯盈盈、貝安琪及葉念琛等人到銅鑼灣「西苑」晚膳，離開時見眾人飲得面頰通紅。問天明何時派帖，他即反問記者派甚麼帖，隨後又說：「結婚嗰時咪派囉，希望十年內啦！」
