日前有報道指陳偉霆（William）三宗罪，包括唱狄易達跳舞水皮、背棄好兄弟張致恒（Steven）及黐大星。昨日William和狄易達出席《勁爆》頒獎禮記招，二人大方合照，William被追問其三宗罪時更一臉嚴肅表示：「唔係事實嘅嘢唔回應！」
不過William仍主動澄清因拍戲而缺席Steven生日派對，他說：「我仲打電話畀Steven，講笑咁問係咪佢爆料。」問到是否說話太直而惹誤會？他表示：「我都唔係第一日入行，自問好識人情世故。」狄易達則稱早前與William一齊做校園騷，不覺對方態度有變。狄易達又謂與William的假想敵都是台灣、韓國和內地歌手：「我同William嘅舞路唔同，而且我笑容多啲，佢笑得型啲。」