Joey、陳奕迅、蔡卓妍（阿Sa）、官恩娜、鍾舒漫、陳偉霆、泳兒、鄭融、Mr.及一眾○九年新人，昨日出席「恒生勁爆Music World‧新城勁爆頒獎禮2009」記者會。新城公布Joey的全年總累積播放次數達一千二百七十八次，成為「新城勁爆播放指數大獎——歌手」獎項得主。Joey在進行儀式時，一度失平衡向前仆，幸好馬步穩未有失儀，Joey行回好姊妹阿Sa身邊時，阿Sa即為對方綁好腰帶。

不敢開空頭支票

播放率驚人的Joey，問到可會增加奪「傳媒大獎」信心？她坦言有，不過最有信心是唱《我的驕傲》那一屆。她覺得奪「傳媒大獎」要配合天時、地利與人和，自問現在的成績已有交代，並說：「聽到有咁多次播放率，我都傻咗。」

今年是Joey入行十周年，她覺得如能奪「最受歡迎女歌星」獎是錦上添花，不過世事難料，故她不會刻意去設計一個完美的畫面。問她可想過同時兼得「最受歡迎女歌星」及「亞太區最受歡迎香港女歌星」、繼王菲後創第二個神話？不想有太大壓力的Joey謂：「我諗都唔會啦，唔好開一張空頭支票！」

周柏豪（左）與陳柏宇有信心在年尾的頒獎禮分一杯羹。	穿上高踭鞋的鄭融扭身扭勢跳舞。	鍾舒漫（左）跳舞時，其手肘「批」中官恩娜胸部。
泳兒今年在樂壇成績不俗，相信有機會獲得多個獎項。	一眾歌手開心出席頒獎禮記招，非常熱鬧。

阿Sa開P預中基

阿Sa昨晚和公司同事及歌手開派對慶祝生日，問她可有請緋聞男友鄭中基？阿Sa坦言：「有請佢，不過佢唔喺香港，喺外地開演唱會。」再問鄭中基可有送生日禮物及傳短訊時，阿Sa即冧爆回應：「禮物呢啲唔好講啦，都有SMS祝我生日快樂同身體健康。」阿Sa的生日願望是身體健康，最開心明年不再犯太歲。提到不犯太歲便可結婚，正和他人傾偈的阿Sa突然說：「正！」事後阿Sa急澄清：「我都講過卅五歲後先結婚。」

記者會上，表現老友的鍾舒漫和官恩娜齊齊跳舞，前者突然一㬹「鬆」落官恩娜胸部，相信只是意外，與爭位無關。

另外，Joey前晚帶病與陳奕迅出席「麥當勞愛心童樂日2009音樂會」，她表示最近經常四圍飛，很希望聖誕節有一天假期在家睡覺，祖兒說：「雖然好奢侈，但都希望！」

文：音樂組