年僅十八歲的G.E.M.（鄧紫棋）前日在個唱上大騷quali，獻唱多首高難度歌曲《Lady Marmalade》及《I'll always love you》，一度唱到跪在地上。對於嘉賓側田獻唱《30日》走音，G.E.M.力撐說：「佢唱歌時雖然我換緊衫，不過都有戴住耳機，唔覺佢有走音，反而覺得佢唱得好感動。」由於側田在台上多次伸手搣G.E.M.面珠，台下有男歌迷講笑地大叫「側田，你唔好抽水」，問到G.E.M.有否聽到歌迷投訴？她說：「佢哋講吓笑啫。（覺唔覺得被抽水？）唔會，佢同我玩啫。」
問到圈外緋聞男友Aaron有否捧場？G.E.M.避談說：「我冇男朋友。（分咗手？）一直都係唱歌同學。」為個唱積極減肥的G.E.M.指住屁股開心報喜：「減咗兩吋。（上圍跌咗兩cup？）少少啦。」
