任賢齊（小齊）前晚出席時裝派對，他透露近期為電影試造型，導演杜琪峯要求他以Ｍ字額演出，令他甚為頭痛，他投訴說：「拍佢啲戲次次都要我咁醜樣，之前已經要我剃眼眉，又要我食肥，今次就要我Ｍ字額，點得㗎！我嚟緊仲要開演唱會。」他笑言自己好貪靚，並自認是靚仔歌手，他續說：「三個月我可以接受，但係唔知要拍幾耐。」問他若有Ｍ字額，女友Tina會有何反應，小齊直言：「無咩可能，我家族遺傳唔會有呢個問題，我啲頭髮不嬲都好健康。」